Ақсудағы дауылдан қаза тапқан әйелдің отбасына қандай көмек көрсетілді

Павлодар облысының Ақсу қаласында болған жойқын дауыл кезінде қаза тапқан Марина Валерьевна Пахомованың отбасына жергілікті әкімдік тарапынан жан-жақты көмек көрсетілуде. Бұл туралы Ақсу қаласы әкімдігі мәлімдеді,деп хабарлайды Todayinfo. Павлодар облысының әкімі Асайын Байхановтың тапсырмасымен төмендегі қолдаулар ұсынылған:

• еңбек өтіліне байланысты өтемақы;
• Бірыңғай жинақтаушы зейнетақы қорынан (БЖЗҚ) жерлеу рәсіміне арналған қаражат;
• жерлеу рәсімін ұйымдастыруға қосымша қаржылай қолдау.

Барлық қаражат жерлеу, ас беру және ескерткіш тас орнатуға бағытталды. Бұл жұмыстармен еріктілер айналысуда.

Қосымша қолдау түрлері

Марқұмның туыстары үшін жерлеу рәсімінде автобус ұйымдастырылып, қатынас мәселесі шешілді. Сондай-ақ, Kaspi Bank, Halyk Bank және «KMF» микроқаржы ұйымындағы несиелері өтеледі. Бұдан бөлек, 2025–2026 жылдар аралығында марқұм тұрған пәтердегі жылу және су үшін коммуналдық төлемдер әкімдік есебінен төленетін болады.