Ақтөбеде атақты нефролог дәрігерді өлтіріп кетті

сурет: ашық дереккөз Ақтөбеде бір апта бұрын із-түзсіз жоғалып кеткен белгілі нефролог дәрігер өлі табылды, деп жазады Todayinfo. Нефролог Абай Айсағалиев 23 мамыр күні үйінен шығып, сол күйі оралмаған. Кейін еріктілер іздеу жұмыстарын жүргізді.

“Ақтөбе қаласында 1956 жылы туған, бұрын хабарсыз кеткен ер адамды өлтірді деген күдікпен 31 жастағы тұрғын ұсталды. Қазіргі уақытта оған қатысты барлық қажетті тергеу амалы жүргізіліп жатыр. Күдікті уақытша ұстау изоляторына қамалды. Тергеу мүддесіне байланысты өзге мәліметтер жарияланбайды”,-  деп хабарлады облыстық ПД баспасөз қызметінің жетекшісі Ерболат Сарқұлов.