«Қазгидромет» РМК синоптиктері Қазақстанның ірі үш қаласы – Астана, Алматы және Шымкент үшін алдағы үш күнге арналған ауа райы болжамын жариялады, деп хабарлайды Todayinfo ақпарат агенттігі.
Астана
12 ақпан: Күн құбылмалы бұлтты, жауын-шашынсыз. Оңтүстік-батыстан соғатын желдің жылдамдығы түнде 9-14 м/с, күндіз 2-7 м/с болады. Ауа температурасы түнде -24...-26°С, күндіз -16...-18°С аралығында сақталады.
13 ақпан: Жауын-шашын күтілмейді. Оңтүстік-шығыстан соғатын желдің екпіні 2-7 м/с. Ауа температурасы түнде -25...-27°С-қа дейін төмендеп, күндіз -12...-14°С болады.
14 ақпан: Күн бұлтты, бірақ жауын-шашынсыз. Оңтүстік-шығыстан соғатын желдің жылдамдығы 2-7 м/с. Түнде -21...-23°С, күндіз -8...-10°С суық болады.
Алматы
12 ақпан: Күн құбылмалы бұлтты, мезгіл-мезгіл қар жауады. Тұман түсіп, көктайғақ болуы ықтимал. Солтүстік-батыстан 2-7 м/с жылдамдықпен жел соғады. Ауа температурасы түнде 0...-2°С, күндіз 0...+2°С.
13 ақпан: Түнде қар, күндіз жаңбыр аралас қар жауады. Кей жерлерде тұман түсіп, жолдарда көктайғақ сақталады. Солтүстік-шығыстан соғатын желдің екпіні 3-8 м/с. Түнде -2...-4°С, күндіз +1...+3°С жылы.
14 ақпан: Жауын-шашын (қар, жаңбыр) күтіледі. Тұман түсіп, көктайғақ болуы мүмкін. Солтүстік-шығыстан 3-8 м/с жел соғады. Ауа температурасы түнде -2...-4°С, күндіз +3...+5°С-қа дейін көтеріледі.
Шымкент
12 ақпан: Күн бұлтты, қатты жауын-шашын (қар, жаңбыр) болады. Көктайғақ, бұрқасын, тұман күтіледі. Солтүстік-шығыстан 8-13 м/с жылдамдықпен жел соғады. Ауа температурасы түнде -1...-3°С, күндіз +3...+5°С.
13 ақпан: Түнде жаңбыр аралас қар, күндіз жаңбыр жауады. Кей уақытта тұман болады. Солтүстік-шығыстан 8-13 м/с жел соғады. Ауа температурасы түнде +2...+4°С, күндіз +7...+9°С жылы.
14 ақпан: Түнде және күндіз жаңбыр жауады. Мезгіл-мезгіл тұман түседі. Жел солтүстік-шығыстан 8-13 м/с екпінмен соғады. Ауа температурасы түнде +2...+4°С, күндіз +8...+10°С болады.
