Пара көлемі 300 мың теңге: Атырау облысында мас жүргізушіден ақша алған екі полицей ұсталды

Атырау облысының Мақат ауданында мас күйде ұсталған жүргізушіден 300 мың теңге алған екі полиция қызметкері жұмыстан босатылды, деп хабарлайды Todayinfo ақпарат агенттігі. Алдын ала мәлімет бойынша, көлікті мас күйде жүргізген ер адамды полиция тоқтатқан. Жүргізуші куәлігінен айырылып қалмау үшін екі қызметкерге 300 мың теңге берген. Алайда келісім болғанына қарамастан, полиция жүргізушіні әкімшілік жауапкершілікке тартқан. Осыдан кейін жүргізуші ақшасын қайтаруды талап еткен. Қаражаттың неге қайтарылмағаны айтылмайды. Ақыры ол ішкі қауіпсіздік қызметіне шағымданған. 24 желтоқсанда күдіктілер аудандық полиция бөлімшесі қызметкерлерінің жалпы жиналысы кезінде ұсталды. Сол күні сотқа дейінгі тергеп-тексеру басталды. Полиция қызметкерлерін уақытша ұстау изоляторына қамаған. Құқық қорғау органдары қызметтік тексерістің қорытындысымен екі қызметкерді де теріс себеппен жұмыстан шығарды.