Ажырасуға салынатын салық көлемі ұлғаюы мүмкін

Қазақстанда отбасылық институттың беріктігін сақтау мақсатында ажырасуға салынатын салық мөлшерін арттыру ұсынылуда. Бұл бастаманы Мәжіліс депутаты Берік Бейсенғалиев парламент кулуарында көтерді,деп хабарлайды Todayinfo агенттігі.  Депутат ажырасудың қоғам үшін маңызды мәселе екенін атап өтіп, мемлекет тарапынан нақты тетіктер қажет екенін жеткізді.

«Бала тәрбиесі мен отбасы құндылығы – әрқайсымыздың міндетіміз. Бұл – бүкіл қоғамға ортақ мәселе. Салық салу тетігі осы салада оң ықпал етуі мүмкін. Мен ажырасуға салынатын айыппұл мөлшерін 20 емес, 200 АЕК-ке дейін арттыруды ұсынар едім», – деді Бейсенғалиев.

Оның пікірінше, мұндай шара жастарды ойланып әрекет етуге, ажырасуға жеңіл қарамауға жетелейді.