Банкомат жанында кезекке таласқан жігіт ескерту жасаған әйелді соққыға жығам деп сотталды

  Фото: ortcom.kz Ақтөбе облысында банкомат маңында кезекке байланысты жанжал туындап, 22 жастағы күдікті сатып алушыны аяусыз соққыға жықты, деп хабарлайды Todayinfo порталы «Диапазон» басылымына сілтеме жасап. Жәбірленушінің айтуынша, ол банкоматқа кезек күтіп тұрған, ал күдікті оған кезекті сақтауды ескерткеніне ашуланып, ұрыса бастаған.

«Банкоматтың алдында тұрғанбыз, мен оған кезекті сақтау керек деп ескерттім. Ол артқа шегініп, айқайлай бастады. Кейін мені сыртта күтіп тұрды да, көшеге шығуға шақырды. Мен бас тартқан соң, басымнан, бетімнен ұра бастады, ернімді жарып жіберді, көзімнің астында гематома пайда болды», – деп есіне алды жәбірленуші.

Жәбірленуші медициналық ем-домға 260 мың теңгеге жуық қаражат жұмсағанын айтты. Дәрігерлер оған ұзақ мерзімді ем тағайындаған. Әйел 1 миллион теңге моральдық шығын өтеуді талап етті. Ақтөбе облысының соты 22 жастағы күдіктіні 6 ай мерзімге бас бостандығын шектеу туралы үкім шығарды. Сот шешімі бойынша, күдікті жәбірленушіге 100 мың теңге моральдық өтемақы төлеуге тиіс. Заңгер қызметі үшін 800 мың теңге өтеуі қажет. Осы уақыт ішінде ойын-сауық орындарына баруына тыйым салынып, жұмыстан кейін үйде болуы керек.