Батырларды қолдау - Kaspi жаңа жоба бастады

Kaspi.kz «Қазақстанда жасалған!» атты жаңа жобаны іске қосты. Онда әйгілі қазақстандықтар туралы баяндалады, деп хабарлайды Todayinfo ақпараттық агенттігі. Жобаның алғашқы кейіпкері – UFC жауынгері Шавкат Рахмонов.

«Қазақстан – ерекше тарихы бар, таланттарға бай ел. Белгілі спортшылар, музыканттар, компаниялар Қазақстанның даңқын әлемге танытып жүр. Әр адам табысқа жету үшін көп күш-жігер жұмсап, аянбай еңбек етеді, сынақтардан сүрінбей өтіп, алға ұмтылады. Олар нағыз мықты тұлғалар, бірақ оларға бұдан да биік белестерді бағындыру үшін қолдау, махаббат, ынталандыру қажет. Сондықтан біз осындай батырлар туралы көбірек айтуды жөн көрдік. Солардың бірі – Шавкат Рахмонов. Бұл біздің бірегей спортшымыз, оны бәріміз мақтан тұтамыз және оған алдағы уақытта жеңіс тұғырынан түспеуін тілейміз», - дейді Михаил Ломтадзе жоба туралы.