Іске кірісеміз: белгілі журналист "Жайық Пресс" басшысының орынбасары болды

Батыс Қазақстан облысындағы ірі медиахолдинг саналатын «Жайық Пресс» серіктестігінде кадрлық өзгеріс болды, деп хабарлайды Todayinfo ақпарат агенттігі. Медиахолдинг бас директорының орынбасары қызметіне өңірге танымал журналист Тоқтар Ғабдірешұлы тағайындалды. Ол бұл жаңалығымен өзінің әлеуметтік желідегі парақшасында бөлісті.

"Бүгіннен бастап жергілікті баспасөздің қарашаңырағы – “Жайық Пресс” ЖШС бас директорының орынбасары қызметіне тағайындалдық. Ғұмырымыздың ширек ғасырын БАҚ саласына арнағаннан кейін мұны да бір үлкен сенім, артылған жүк деп қабылдадық. Енді білек сыбанып іске кірісеміз", - деп жазды журналист.

Тоқтар Ғабдірешұлы бұған дейін ұзақ жылдар бойы өңірлік журналистика саласында еңбек етіп, мол тәжірибе жинаған маман ретінде танымал. Фото: Әлеуметтік желіден