Білім саласындағы былық: жарты млрд теңге жымқырған білім бөлімінің басшысы сотталды

Түркістан облысының Сарыағаш ауданында мектепте жұмыс істемеген адамдарға төлем аударып, 500 ммиллион теңгеден аса қаражат ұрлаған білім бөлімінің бұрынғы басшысы сотталды. Экс-шенеунік Бауыржан Майрихов 7 жыл бойы бюджет қаржысын жымқырды деп айыпталды, деп хабарлайды Todayinfo ақпараттық порталы Stan.kz-ке сілтеме жасап. Бұрынғы басшы бұл ақшаны жалғыз өзі емес әріптестерімен бірге ұрлаған.

«Сарыағаш аудандық білім бөлімінің басшысы мен есепшісі 2016 жылдан бастап 2023 жылга дейін білім бөлімі мен бөлімге қарасты мектепте жұмыс істемеген адамдар атын көрсетіп, үшінші адамға төлем аударып отырған. Сөйтіп, бюджетке 547 274 010 теңге залал келтірген», – деді судья.

Ұйымдасып жасаған қылмысын басшылар мен бухгалтерлердің бәрі бірдей мойындаған жоқ. Үш адам әрекетіне өкінш білдіріп, калтаға басқан ақшаны қайтарған. Есепші болып жұмыс істеген Гүлсара Өтегенова, Ақарыс Құдайберген мен Нұрсұлтан Жолшиев шартты түрде сотталды. Өзге есепшілер кінәсін мойындағанымен қаржыны қайтармаған. Ал, Сарыағаштың, білім бөлімін басқарған Бауыржан Майрихов, Дәулет Акатов пен Нұрлан Үсібаев қаражатты кайтармады, кінәсын де толық мойындамады. Оларға 7 жылға бас бостандығынан айыру жазасы тағайындалды.