Болат Назарбаевтан қалған мұра: "Барыс" базарының орнына индустриялды аймақ салынады

Марқұм Болат Назарбаевтың атышулы "Барыс" базарының жерін мемлекетке қайтару жұмыстары әлі жалғасып жатыр. Тартысты жер дауымен қазір прокурорлар айналысып жатыр, деп хабарлайды Todayinfo порталы. Алматы облысының әкімі Марат Сұлтанғазиев, "Барыс" базарының тағдыры туралы айтты. Оның сөзінше, қазір сот істері әлі жалғасып жатыр. Мемлекеттің ол жарге қатысты жоспары дайын.

«11 гектар жер қайтарылды. Қалған жерлерді қайтару бойынша қазір прокуратура айналысып жатыр. Жерлер бірнеше рет сатылып, қолдан қолға өтіп кеткен. Келісімшарттарды бұзу жайлы жұмыстар жүріп жатыр. Ол жерге қатысты өзіміздің жоспарымыз бар. Жолдың бойынша, инфрақұрылым тартылған. Асфальт төселген. Ол жерді индустриялды аймаққа айналдыру жайлы жоспар бар. Ол жақта халық тығыз орналасқан, тігін фабрикалары секілді, елді жұмыспен қамтуға болады», - деді өкір басшысы Марат Сұлтанғазиев.