Дипломат Сәкен Мамаш "азаптау" бабымен 6 жылға сотталды

Бүгін БАӘ дипломат қызметін атқарған Сәкен Мамашқа сот үкімі оқылды, деп хабарлайды Todayinfo. Қылмыстық кодекстің 110-бабы (азаптау) бойынша айыпталған ол 6 жылға сотталып кетті.

«Қылмыстық іс жүргізу кодексінің 387–390, 393, 395–398, 401–402-баптарын басшылыққа ала отырып, сот Мамаш Сәкен Тәшкенбайұлын ҚР Қылмыстық кодексінің 110-бабы 2-бөлігі 1-тармағында көзделген қылмысты жасағаны үшін кінәлі деп танып, оған орташа қауіпсіздік мекемесінде 6 жыл бас бостандығынан айыру жазасын тағайындады»,– деп үкімді жария етті судья Артур Абдықанов.

Еске салсақ, Карина Мамаштың 10 жыл бойы күйеуі ұрып-соғып келген мәлімдемесінен кейін Сәкен Мамаш Дубайдағы қызметінен елге қайтарылған еді. Елші кеңесшісінің үстінен «азаптау» бабы бойынша іс қозғалған болатын