Дубайда 67 қабатты үй түгі қалмай өртеніп кетті

Дубай Марина ауданындағы 67 қабатты тұрғын үйден өрт шықты. Қаланың төтенше жағдайлар қызметі қызыл жалынды 6 сағат бойы өшірген, деп хабарлайды Todayinfo.  Жергілікті биліктің хабарлауынша, оқиға кезінде зардап шеккендер тіркелмеген. Барлығы 764 пәтерде тұратын 3 820 тұрғын дер кезінде қауіпсіз жерге көшірілген. Оқиға орнына шұғыл түрде жедел жәрдем бригадалары мен медициналық қызметкерлер жетті, эвакуацияланған азаматтарға медициналық және психологиялық көмек көрсетілді. Қазіргі таңда жергілікті билік өкілдері ғимараттың құрылысын жүргізген компаниямен бірлесе отырып, тұрғындарды уақытша баспанамен қамтамасыз ету мәселесін шешіп жатыр. Өрттің нақты себебі әзірге белгісіз. Тергеу жұмыстары басталды.