Екібастұзда 2,5 метр биіктіктен құлап кеткен жұмысшы ауруханаға түсті

Екібастұзда 54 жастағы жұмысшы биіктен құлап кетті, деп хабарлайды Todayinfo.kz.  Облыстық жедел жәрдем станциясы баспасөз қызметінің мәліметінше, 8 қаңтарда 15:36-да «Богатырь транс» ЖШС-нен биіктіктен құлау туралы қоңырау түсті.

«54 жастағы ер адам өндірістік жарақаттар алған. Ол ауыр дәрежедегі мидың жабық жарақаты, мидың зақымдану диагноздарымен Екібастұз қалалық ауруханаға жеткізілді», – деді станцияда.

Павлодар облысының еңбек басқармасының хабарлауынша, алтыншы разрядты электр жабдықтарын жөндеу бойынша электрик темір ұстасы жұмыстарды орындау кезінде  2,5 метрден құлаған. Жазатайым оқиға бойынша тергеу ашылды. фото: ғаламтордан Todayinfo.kz