«Ештеңе істемей, желіде отырады»: Тоқаев Самұрық-Қазына ұлттық компаниясындағы шай ішіп, жұмыс істемейтіндерді сынға алды

Президент Қасым-Жомарт Тоқаев Үкіметтің кеңейтілген отырысында ұлттық компаниялардағы артық басқарушы кадрларды сынға алды, деп хабарлайды Todayinfo.kz ақпарат агенттігі. Оның сөзінше, кейбір қызметкерлер нақты жұмыс жүктемесі жоқ «сол жағалаудағы» кадрларға айналып, уақытын әлеуметтік желіде өткізіп жүр.

«Артық басқарушы буынға толып кеткен компаниялардың құрылымын заманауи талапқа сай қайта қарау қажет», – деді Тоқаев.

Сонымен қатар Президент стратегиялық салаларды дамытуға – сирек кездесетін металдар, мұнай-химия, цифрлық инфрақұрылым, жаңартылатын энергия, көлік және агроөңдеу бағыттарына – басымдық беруді ұсынды. Ол даму институттары мен бизнес арасындағы әріптестіктің тиімді болуына ерекше назар аударды, сондай-ақ Қазақстанға шетелдік инвесторлардың қызығушылығы жоғары екенін атап өтті.