Форбстағы олигархтардан асып түсті: Тұрсынғали Алагөзов қазақтың кедей аналарына 100 пәтер тарту етті

Белгілі кәсіпкер, продюсер Баян Алагөзованың жұбайы Тұрсынғали Алагөзов компаниясындағы еден жуушылар мен техникалық қызметкерлерге 100 пәтер сыйлап, нағыз мәрттік танытты, деп хабарлайды Todayinfo. Кәсіпкердің айтуынша, бұл бастама 2024 жылы пісіп-жетіліп, биыл толық жүзеге асқан.

«Олар менімен бірге талай жыл еңбек еткен қарапайым жұмысшылар. Көпшілігінің осы уақытқа дейін жеке баспанасы болмаған. Арнайы комиссия құрып, шын мұқтаж жандарды іріктеп алдық», - деді Алагөзов.

Пәтер иеленгендер 15-20 жыл бойы компанияда үздіксіз жұмыс істеп келе жатқан жандар. Олардың қатарында еден жуушылар, жүк тасушылар, жүргізушілер мен техникалық қызметкерлер бар. Ал басшылық қызметтегілер небәрі 3–4 пайызды ғана құрайды. Мұндай ауқымды әлеуметтік қолдау қоғамда жылы қабылданып, көпшіліктің алғысына ие болды. Баян Алагөзова да әлеуметтік желіде жұбайының бұл шешімін мақтанышпен атап өтіп, алғысын білдірді. Фото: @tursenalaguzov