Кейбір қалаларда 36 градусқа дейін күн ысиды

«Қазгидромет» дерегінше, 5 мамыр күні еліміздің басым бөлігінде күн ашық, жауын-шашынсыз болады. Батыс пен шығыста кей жерлерде жаңбыр мен найзағай күтіледі. Республиканың көптеген өңірінде жел күшейіп, оңтүстікте шаңды дауыл соғуы мүмкін, деп хабарлайды Todayinfo. Астана, Қарағанды, Петропавл, Ақтөбе, Көкшетау сынды солтүстік және орталықтағы қалаларда түнгі уақытта +3…+9°C, күндіз +19…+24°C шамасында жылы ауа райы сақталады. Алматы, Қонаев, Талдықорған өңірлерінде күн ашық, +27…+31°C дейін ысиды. Шымкент, Тараз, Түркістан, Қызылорда қалаларында күн өте ыстық, температура +30…+36°C аралығында болады. Атырау, Өскемен, Талдықорғанда жаңбыр жауып, найзағай ойнауы мүмкін. Желдің күшеюі Павлодар, Петропавл, Семей мен Талдықорғанда байқалады (екпіні 15–25 м/с дейін). Жалпы алғанда, Қазақстанның көп бөлігінде мамырдың алғашқы аптасы жылы әрі жауын-шашынсыз өтеді.