Конаев жағажайында депутаттың көзінше адам суға батып кетті (ВИДЕО)

Депутат Бақытжан Базарбек Конаев қаласындағы жағажайда әйел адамның суға батып кеткенін көрді. Оқиға ішкі туризмдегі қауіпсіздік мәселесін ашық көрсетті. Бұл туралы «Козачков» телеграм арнасы жазды,деп хабарлайды Todayinfo агенттігі. Мәжіліс депутаты Бақытжан Базарбек Конаев қаласындағы демалыс кезінде қайғылы оқиғаға куә болды: жас әйел адам халық көп жиналған жағажайда суға батып кетті. Халық қалаулысының айтуынша, бұл орын қарапайым демалушыларға арналған жағажай болған. Алайда, ең қажетті қауіпсіздік құралдары мен мамандардың болмауы жағдайды қайғылы аяқтауға себеп болды. Оқиға орнында мыналар болмаған:

• Құтқарушылар қызметі
• Бейнебақылау камералары
• Құтқару шеңберлері мен мұнаралар
• Кезекші медицина қызметкері

Жағажай аумағы жеке кәсіпкерлерге берілгенімен, олар тек шлагбаум қойып, ақы жинаумен ғана айналысып отыр. Ал инфрақұрылым мен қауіпсіздік мәселесі назардан тыс қалған. Суға батқан әйелді судан жақын маңдағы куәгерлер алып шықты, алғашқы көмекті де солар көрсетті.Алайда жедел жеткен медициналық қызметкерлер мен полиция тек оқиғаны тіркеумен шектелді. Олардың айтуынша, жағажайдағы қауіпсіздікке жауап беретін арнайы органдар бар, бірақ бұл жағдайда ешқандай бақылау болмаған.