Президент Қасым-Жомарт Тоқаев республикалық маңызы бар қалалар, ұлттық жобалар мен мемлекеттік басқару саласына қатысты бірқатар өзгерістер мен толықтыруларды қамтитын Қазақстан Республикасының Заңына қол қойды, деп хабарлайды Todayinfo.
Жаңа заң «Қазақстан Республикасының кейбір заңнамалық актілеріне астананы және республикалық маңызы бар қалаларды, ұлттық жобаларды дамыту, кәсіпкерлік және мемлекеттік органдардың функцияларын оңтайландыру мәселелері бойынша өзгерістер мен толықтырулар енгізу туралы» деп аталады.
📌 Заңда қандай өзгерістер бар?
🔹 Бірінші блок – елорда мен республикалық маңызы бар қалаларды дамытуға бағытталған;
🔹 Екінші блок – жер заңнамасының жекелеген мәселелерін реттейді;
🔹 Үшінші блок – шетел азаматтарын тіркеу жүйесін енгізуге арналды;
🔹 Төртінші блок – кеден мәселелерін оңтайландыруды көздейді;
🔹 Бесінші блок – өкілеттіктерді орталықсыздандыру және артық заңнамалық реттеуді жою мақсатында қабылданды;
🔹 Алтыншы блок – жылу, жарық және су сияқты инфрақұрылымның тұрақты жұмысын қамтамасыз етуге, сондай-ақ энергетика мен коммуналдық секторды жаңғыртуға бағытталған;
🔹 Жетінші блок – мемлекеттік аудит процесін жетілдіруге қатысты;
🔹 Сегізінші блок – бағалау қызметі туралы заңнаманы жаңартуға бағытталған.
