«Мойын омыртқасы сынып, клиникалық өлім болған»: Антальяда турист пирстен секіріп жарақат алды

Түркияның Анталия қаласында демалып жатқан ресейлік турист ауыр жағдайға тап болды. 29 жастағы Никита Чистокистов есімді азамат «Адам мен Хауа» (Adam & Eve) деп аталатын бес жұлдызды қонақүй пирсінен секіріп, таяз суға соғылып қатты жарақат алған,деп хабарлайды Todayinfo. Жарақат салдарынан Чистокистов мойын омыртқасын сындырып, өкпесі мен жұлын миы зақымданған. Ауруханаға жеткізілген соң дәрігерлер оның клиникалық өлім жағдайына түскенін тіркеген. Қазіргі уақытта ол комада, жасанды тыныс алу аппаратына қосылған. Бір операция жасалған, тағы біреуі алда күтілуде. Алдын ала есеп бойынша емделуге шамамен 20 мың АҚШ доллары қажет. Зардап шеккен азаматтың туыстарының айтуынша, қонақүй әкімшілігі мен сапарды ұйымдастырған «Pegas Touristik» турфирмасы ешқандай көмек көрсетпеген. Сондай-ақ, сақтандыру компаниясы да бұл оқиға үшін өтемақы төлеуден бас тартқан. Никитаның достарының айтуынша, оқиғадан кейін ғана пирс маңына «Секіруге болмайды» деген ескерту тақтайшасы орнатылған. Бұл жағдай қауіпсіздік ережелерінің алдын ала сақталмауының салдарынан орын алғанын көрсетеді.