Атымтай жомарт: Молдияр Нұрбаев Рамазан айында тағы 50 мұқтаж отбасына көмек көрсетті

«Тауекел-Н-Алғабас» газ шаруашылығының құрылтайшысы Нұрбаев Молдияр Қылшықұлының бастамасымен Қарасай ауданының Райымбек және Іргелі ауылдық округтерінде, сондай-ақ Наурызбай ауданында тұратын 50 мұқтаж отбасыға азық-түлік себеттері таратылды, деп хабарлайды Todayinfo.

«Бұл игі шара – адамдардың жүрегіне жылу ұялатып, мұқтаж жандарға қуаныш сыйлаудың бір көрінісі. Қайырымдылық жасау – тек көмек беру ғана емес, айналаға мейірім шуағын шашу, болашаққа сенім ұялату. Әр отбасының дастарханында береке орнап, әр шаңырақта шаттық пен молшылық болсын деген ниетпен жүзеге асқан бұл қайырымдылық шарасы – ізгі амалдардың жалғасы болмақ. Рамазан айының шарапаты мен Наурыз мейрамының ырыс-берекесі әр шаңыраққа қуаныш, елімізге тыныштық пен амандық әкелсін! Бірлігіміз бекем, ырысымыз мол болсын!», - деп жазды ұйымның баспасөз қызметінен.

Еске салайық, Алматы облысының құрметті азаматы Молдияр Нұрбаев елге қайырымдылық жасаған атымтай жомарттығыпен кеңінен танымал. Ол бұған дейін туып өскен ауылы Ақсуда Ілияс Жансүгіровке алып ескерткіш тұрғызып берсе, өзгеде ғалымдар мен ҰОС арадагеріне бюст орнатқан. Одан бөлек мектепке күрделі жөндеу жұмыстарын да жүргізіп берді.