Фото: haberler.com АҚШ Венесуэланың вице-президенті Делси Родригесті де бопсалауға көшті. Родригес уақытша президент міндетін атқарушы ретінде ант қабылдады, деп жазады Todayinfo.kz. Елдің жоғарғы соты оны бұл қызметке 3 қаңтар күні тағайындаған. АҚШ-тың Венесуэла басшысы Николас
Фото: haberler.com
АҚШ Венесуэланың вице-президенті Делси Родригесті де бопсалауға көшті. Родригес уақытша президент міндетін атқарушы ретінде ант қабылдады, деп жазады
Todayinfo.kz.
Елдің жоғарғы соты оны бұл қызметке 3 қаңтар күні тағайындаған.
АҚШ-тың Венесуэла басшысы Николас Мадуроны ұстау операциясына дейін елдің вице-президенті қызметін атқарған Делси Родригес парламентте (Ұлттық ассамблеяда) мемлекет басшысының міндетін уақытша атқарушы ретінде ант қабылдады.
AFP агенттігінің жазуынша, ант қабылдау рәсімін парламент төрағасы Делси Родригестің ағасы Хорхе Родригес жүргізген.
«Мен отанымызға қарсы жасалған заңсыз әскери агрессия салдарынан Венесуэла халқының шеккен азабына күйіне келдім. Сондай-ақ екі қаһарманның ұрлануына байланысты өкініш білдіремін», — деген Делси Родригес парламентте сөйлеген сөзінде.
АҚШ президенті Дональд Трамп Делси Родригестің ант беру рәсіміне байланысты пікір білдірді. Ол егер Родригес АҚШ-пен ынтымақтасудан бас тартса, «өте ауыр құн төлейтін болады» деп мәлімдеді.
«Бәлкім ол Мадуроның өзінен де қымбат құн болар», — деген Трамптың сөзін The Atlantic басылымы жазды.
4 қаңтарда Bloomberg басылымы дереккөздеріне сілтеме жасап, Венесуэлада Мадуро биліктен шеттетілгеннен кейін елді америкалық басқару құрылымы аясында әкімшілік тұрғыда үйлестіру міндетін АҚШ мемлекеттік хатшысы Марко Рубио атқаратынын хабарлаған.
