Париж Олимпиадасына қандай спорт түрлерінен жолдамалар сарапқа салынады?

2024 жылғы Париж Олимпиадасына қазақстандықтардың қатысуымен өтетін қандай спорт түрлерінен жолдамалар сарапқа салынатыны белгілі болды, деп хабарлайды Todayinfo .kz Kazinform-ға сілтеме беріп. Спортты дамыту дирекциясының хабарлауынша, бүгінде Индонезия астанасы Джакарта қаласында нысана көздеуден Азия чемпионаты өтіп жатыр. Құрлықтық дода 18 қаңтарға дейін созылады. Ал 12-22 қаңтар аралығында Кувейттің Эль-Кувейт қаласында стенд атудан Азия чемпионатында алдағы Жазғы Олимпиадаға жолдама беріледі. Сондай-ақ 20 қаңтарда WA нормативі бойынша спорттық жүруден Түркияның ашық чемпионаты жалауын көтерсе, 27 қаңтарда Астана қаласында Әмин Тұяқов жүлдесіне арналған әлемдік турнир болады. Португалияның Одивалос қаласында 26-28 қаңтар аралығында дзюдодан ерлер мен әйелдер арасында рейтингтік ұпай берілетін «Grand Prix Portugal» турнирі өтеді. Семсерлесу шеберлері 12-24 қаңтар аралығында Тунисте қылыштасудан бәсекеге түссе, 29-31 қаңтар аралығында Катар астанасы Доха қаласында семсерлесуден гран-при өтеді. Todayinfo .kz