Павлодардағы алаяқтық: Ауған азаматы қазақ болып, миллиондар алып отырған

Павлодарда Ауғанстан азаматы өзін «қандаспын» деп алдап, мемлекеттен 20 миллион теңгеге пәтер алған, деп хабарлайды Todayinfo ақпарат агенттігі. Павлодар облыстық прокуратурасының мәліметінше, шетелдік азамат қоныс аудару бағдарламасына қатысу үшін жалған құжаттарды пайдаланған. Ол осы алаяқтық әрекеті арқылы мемлекет есебінен баспаналы болған. Нәтижесінде, заңсыз алынған пәтер мемлекет меншігіне қайтарылды. Сот прокуратураның мүлікті тәркілеу туралы өтінішін толық қанағаттандырды. Қазіргі уақытта осы іске қатысты тергеу амалдары жалғасып жатыр.