Перизат Қайрат 3,5 млрд теңге жымқыру ісі бойынша кінәсін мойындамауда

Қаржылық мониторинг агенттігі төрағасының орынбасары Жеңіс Елемесовтің айтуынша, Перизат Қайратқа қатысты қылмыстық істің тергеуі аяқталып, қазіргі уақытта материалдар зерделеніп жатыр.Бұл туралы Todayinfo ақпарат агенттігі хабарлайды. 3,5 млрд теңге жымқырылды Тергеу барысында келтірілген шығын сомасы бірнеше рет өзгергенімен, соңғы мәлімет бойынша ол 3,5 млрд теңгеге жеткен. Тергеу мәліметтеріне сәйкес, бұл қаражат заңсыз жолмен алынған. Мысалы, Перизат Қайрат бұл ақшаны гүл дүкенін сатып алуға жұмсаған. Ол қоғамға өзін табысты кәсіпкер ретінде көрсетіп, бизнесті заңды табыс көзі ретінде насихаттаған. Сот Перизат Қайраттың бағалы мүлкінің тағдырын шешетін болады. Ол жәбірленушілердің шығынын өтеу үшін жұмсалуы немесе тәркіленіп, мемлекет меншігіне берілуі мүмкін. Жәбірленушілердің нақты саны белгісіз Жеңіс Елемесовтің айтуынша, жәбірленушілердің нақты саны әлі анықталмаған. Олардың қатарында Перизат Қайраттың қайырымдылық қорына қомақты қаражат аударғандар да бар. Кейбір жәбірленушілердің мүддесін прокуратура қорғайды. Перизат Қайрат кінәсін мойындамай отыр Тергеу барысында Перизат Қайрат кінәсін мойындаудан бас тартқан. Сонымен қатар, оның анасына да Қылмыстық кодекстің 190 және 218-баптары бойынша айып тағылған. Қазіргі уақытта ол үйқамақта. Жеңіс Елемесовтің айтуынша, күдікті жауап беруден бас тарту құқығын пайдаланған. Сондай-ақ, оның бірнеше рет адвокаты ауысып, қазіргі таңда басқа заңгердің қорғауында екені белгілі болды. Перизат Қайратқа қатысты іс 180 томнан тұрады.