Қазақстанда 5,4 магнитудалық жер сілкінісі тіркелді: Жаркент пен Текелі тұрғындары жер сілкінісін сезді

31 наурыз күні Қазақстан аумағында магнитудасы 5,4 болатын жер сілкінісі тіркелді. Эпицентрі Алматыдан солтүстік-шығысқа қарай 273 шақырым жерде орналасқан, деп хабарлайды Todayinfo.kz ақпарат агенттігі. Төтенше жағдайлар министрлігіне қарасты сейсмикалық станциялар желісінің мәліметінше, жер сілкінісі сағат 11:11-де тіркелген. Жер асты дүмпуінің ошағы 10 шақырым тереңдікте болған. Алдын ала есеп бойынша, Жетісу облысында сілкініс күші 2 балға дейін жеткен. Тербелістер Жаркент, Текелі қалаларында және Жансүгіров ауылында сезілген. Төтенше жағдайлар министрлігінің мәліметінше, зардап шеккендер мен қираулар туралы ақпарат тіркелмеген. Сондай-ақ, 112 нөміріне тұрғындардан ешқандай шақырту түспеген.