останайда жаяу жүргіншіні қағып кеткен сәт бейнетіркегішке жазылып қалды.
Апат салдарынан 68 жастағы әйел оқиға орнында көз жұмды.
Қайғылы оқиға 12 желтоқсан күні Қобыланды батыр даңғылында болған.
Куәгерлердің айтуынша, әйел адам жаяу жүргіншілерге арналған өткелден өтіп бара жатқан.
Бірінші жолақта келе жатқан автобус тоқтап, әйелге жол берген.
Алайда дәл сол сәтте екінші жолақпен келе жатқан «ВАЗ-2114» көлігі тоқтамай, әйелді қағып өткен.
Медициналық қызмет өкілдері жәбірленушінің сол жерде қаза тапқанын растады.
Оның алған жарақаттары өмірімен үйлеспейтін болған.
Қазақстанда мұндай жол апаттары неліктен қайталана береді?
Полицияның алдын ала мәліметінше, көлік жүргізушісі жол жүру ережесін бұзып, рұқсат етілмеген жағдайда жаяу жүргіншіні соққан.
Қостанай облыстық ПД баспасөз қызметі бұл дерек бойынша Қылмыстық кодекстің 345-бабы ("Көлік құралдарын жүргізу ережелерін бұзу") бойынша сотқа дейінгі тергеу басталғанын хабарлады.
Тергеу аясында оқиғаның нақты себептері мен мән-жайы анықталып жатыр.
Жол апаты бейнебақылау камерасына түсіп қалған. Бұл жазба тергеу материалдарына тіркелмек.
