«Құл болдым, үстім кір-қожалақ»: Атырауда 54 жастағы адам байдың құлдығынан қашып шыққан

Әлеуметтік желілерде құлдықта болдым деген ер адамның видеосы тарап, көпшіліктің талқысына түсті, деп хабарлайды Todayinfo. Видеода ер адам жылап отырып, өз басынан өткен жайтты баяндап, құлдықтан қалай қашып шыққанын айтып береді. Atyrauoil.official парақшасында жарияланған ақпаратқа сәйкес, 54 жастағы Ерлан Сабыров Индер ауданында еңбек құлдығында болғанын және оны бақылаған адамды ұмытып қалғанын мәлімдеген. Сабыровтың айтуынша, ол мал баққызып, жұмысына ешқандай ақы төлемей, бақылауында ұстаған.

«Мал баққызып, ешқандай ақы төлмеді. Мен құл болдым. Мүмкіндік болған кезде қашып шықтым. Үсті-басым кір-қожалақ еді, бірақ бір таныс жігіт көмектесіп, жуындырып-шайындырды, жаңа киім берді», – дейді Ерлан Сабыров.

Қазіргі таңда ол Атырау облысында тұратын інісінің үйіне бара жатқанын айтты және құжаттары сөмкесінде тұрғанын жеткізді. Атырау облысы полиция департаменті тараған ақпаратты тексеріп, теріске шығарды. Полиция мәліметінше, оқиға бойынша жүргізілген анықтау-тексеру нәтижесінде Ерлан Сабыровтың еш жерде мәжбүрлі түрде ұсталмағаны, құлдықта болмағаны белгілі болды. Сонымен қатар, оның тұрғылықты мекенжайы бойынша туыстарымен сұхбат жүргізілді, және таралған ақпараттың жалған екендігі расталды.