«Мүгедек бала жеңіл жүрісті қыз-келіншектерден туады»: Қостанайда елдің көзінше жұдырықтасқан блогер қыздар ұсталды

Коллаж: todayinfo Қостанайда полиция бөліміне жұрттың көзінше жаға жыртысқан блогерлер жеткізілді. Тікелей эфирде сөзге келіп қалған әлеуметтік желі белсенділері кездескен кезде бір-біріне жұдырық ала жүгірген, деп жазады Todayinfo.kz ақпараттық порталы. Тапа-тал түсте екі қыздың жерге аунап жұлысып жатқаны бейнежазбаға түсіп қалған. Ал араша түсіп ажыратуы тиіс ер адам екінші қызға жабылып кеткенін байқауға болады. Оқиға орнына  жеткен полицейлер төбелеске қатысы бар үш адамды ұстап әкетті. Қазір бұл дерек бойынша қылмыстық іс қозғалып, тергеу жүріп жатыр. Мәліметтерге қарағанда, қыздардың арасындағы жанжал әлеуметтік желідегі тікелей эфирде басталған. Еске салайық, екінші қызды шаштан сүйреп, басынан тепкен блогер бұған дейін "мүгедек балалар жеңіл жүрісті қыз-келіншектерден туады" деп елді шулатқан еді.