Ресейде ауыр жол апаты болып, Қазақстанның алты азаматы зардап шекті

Фото: ulysmedia.kz Ресейдің Самара облысында жол апаты болып, бірнеше адам зардап шекті. Соның ішінде Қазақстанның алты азаматы бар, деп хабарлайды Тodayinfo ақпараттық порталы. ҚР ТЖМ баспасөз қызметінің мәліметінше, жол апаты "Самара – Большая Черниговка" тас жолында (РФ Самара облысы) болған. Зардап шеккен Қазақстанның алты азаматы, оның ішінде екі бала 6 бірлік санитарлық автокөліктің көмегімен Орал медициналық мекемелеріне тасымалданды.

«Тағы бір зардап шеккен отандасымызды ТЖ департаментінің бригадасы жеткізді. Ресей аумағында қазақстандық азаматтардың қатысуымен болған жол апаты туралы хабар алына салысымен, оқиға орнына жедел түрде алты жедел жәрдем бригадасы аттанды. Жарақаттардың ауырлығын ескере отырып, шұғыл медициналық көмек бригадалар құрамында балалар мен ересектер травматологтары, хирургтар, нейрохирург, реаниматолог, 6 фельдшер болды».