Риддердегі жылу орталығын жөндеуге бюджеттен 1,7 млрд теңге бөлінді

Риддер қаласындағы жылу электр орталығын 2025–2026 жылғы жылыту маусымына дайындау мақсатында Үкімет резервінен 1,7 миллиард теңге бөлінді, деп хабарлайды Todayinfo. Аталған қаражат Шығыс Қазақстан облысының бюджетіне ағымдағы нысаналы трансферт түрінде аударылады. Қаржы жылу электр орталығында жөндеу жұмыстарын уақтылы әрі сапалы жүргізуге бағытталмақ. Қаражат бөлу туралы тиісті құжатқа қол қойылды.