«Шымкенттегі атышулы іс»: Берденов оқиға күні күдікті Жиембайға ескерту жасаған

Шымкентте қала әкімінің орынбасары Руслан Берденовке қастандық жасау ісі бойынша сотта куәгерлерді сұраққа алу жалғасуда. Айыпталушы – сол кезде «Тұрғын үй Шымкент» ЖШС директоры болған Ернар Жиембай, деп хабарлайды todayinfo.kz Куәгер, әкім орынбасарының көмекшісі Талап Рахымбердиевтің айтуынша, 14 ақпан күні таңертең Берденов Жиембаймен кездесіп, оның ұйымының жұмысын таныстыруын күткен. Алайда ол дайындықсыз келіп, ресми стильге сай киінбеген.

«Әкімдікке келетін мемлекеттік қызметшілер мен мекеме өкілдері іскер киімде болуы тиіс. Жиембай болса костюмсіз, тек жейде мен шалбар киіп келген», – деді Рахымбердиев.

Сол күні түстен кейін тағы бір куәгердің айтуынша, Берденов Жиембайдың жұмыстан кету туралы өтініш жазуға дайын екенін анықтауды тапсырған. Араға бірнеше сағат салып, әкімдік ғимараты алдында атыс болып, шенеунік жараланды. Фото: orda.kz