Тәуекел Мүсілім салық органдарының есеп беру талабына наразы

Актер, тележүргізуші Тәуекел Мүслім Алматы қаласы, Алмалы ауданы бойынша мемлекеттік кірістер басқармасына шақырту алғанын мәлімдеді, деп хабарлайды Todayinfo ақпараттық агенттігі. Актер Instagram парақшасында бұл жағдайға қатысты пікір білдірді.

 «Ассалаумағалейкум, не дейін? Жағдай былай, 2022-2023 жылдарға қатысты банктен 5000 теңгеден жоғары қандай ақша түсті, соның бәріне есеп бер деп жатыр. Кімнен түсті, не үшін түсті – соның бәрін сұрап отыр. Сөзім жоқ. Бұл тек 2022-2023 жылдар, алда 2024-2025 жылдары да тұр ғой. Не істейміз? Қазақстаннан кетеміз-ау», – деп жазды ол Instagram stories-те.