Тапталып жатыр: Халықты қинап қойған биліктің кезекті әрекеті (ВИДЕО)

Алматыдағы Отбасы банкте ажиотаж. Ипотека рәсімдеуге келген халыққа банк қызметкерлері қызмет көрсетіп үлгермей жатыр. Бұл жайында Todayinfo.kz хабарлайды. Алматыда мемлекеттік бағдарламамен ипотека рәсімдеуге келген халық сағаттап емес, бірнеше күн кезегін күтуге мәжүр. Таңғы сағат алты, жетіден бастап халық кезекке тұрып, ғимараттың ішіне кіру үшін бір бірімен ұрсысуға мәжбүр. Мемлекеттік бағдарлама бойынша ипотека рәсімдеуге келген халық Отбасы банктің ғимаратына кіре алмай, сыртта кезекке тұрғандарына, құжат рәсімдеуге келгендеріне екі аптадан асқан.

«Бірнеше күннен бері кезекке тұрып, ішке кіре алмай жүрміз. Осымен үшінші күн болды, халық көп, қызмет сапасы баяу, нашар. Міне таңғы сағат тоғыз, ел тағы ішке сыймай қалды. Адамдар қысылып, ұрсысып жатыр. Менің кезегім қашан келетіні белгісіз, сыртта бөлек тізім жасалған, ішке өткен соң тағы электронды талон тағы алу керек», - деді көпбалалы ананың бірі Жадыра Тәуірбекқызы.