Экологтар күніне орай Алматы облысы, Жамбыл ауданындағы Ұзынқарғалы өзенінің бойында «Таза жағажай – таза өзен» атты экологиялық акция өтті. Табиғатты аялау мен туған жерге жанашырлық танытуды көздеген шараға 100-ден астам адам – жергілікті тұрғындар, жастар, еріктілер мен қоғамд
Экологтар күніне орай Алматы облысы, Жамбыл ауданындағы Ұзынқарғалы өзенінің бойында «Таза жағажай – таза өзен» атты экологиялық акция өтті. Табиғатты аялау мен туған жерге жанашырлық танытуды көздеген шараға 100-ден астам адам – жергілікті тұрғындар, жастар, еріктілер мен қоғамдық ұйым өкілдері белсене қатысты, деп хабарлайды
Todayinfo ақпараттық агенттігі.
Экологиялық бастаманың басты мақсаты – жағажай аумағын тұрмыстық қалдықтардан тазартып, су айдындарының ластануына жол бермеу, сондай-ақ табиғатты қорғау мәдениетін қалыптастыру арқылы азаматтардың туған жерге деген сүйіспеншілігін арттыру.
Жамбыл аудандық аналар кеңесінің төрайымы Зияш Мамедова:
«Таза Қазақстан» – бұл табиғатымызға деген құрмет қана емес, ел болашағына жауапкершілікпен қараудың нақты көрінісі. Осындай игі істер жастарымызды отансүйгіштікке, қоршаған ортаға жанашырлықпен қарауға баулиды. Таза жер – халықтың рухани тазалығының да көрінісі», – деп атап өтті.
Акция барысында қатысушылар өзен бойын тұрмыстық қалдықтардан, пластик бөтелкелерден, қағаз және өзге де қоқыстардан тазартып, нәтижесінде 3 тоннадан астам қоқыс жиналды.
Мұндай бастамалар – туған жердің табиғатын көздің қарашығындай қорғап, жас ұрпаққа экологиялық жауапкершілік дарыту жолындағы маңызды қадам. Бұл — еліміздің болашағы үшін ортақ мүддеге айналуы тиіс әрекет.
Ұйымдастырушылардың айтуынша, осындай отаншыл рухтағы экологиялық шаралар алдағы уақытта да жалғасын табатын болады.
