Тимур Турловтың компаниясында істейтін топ-менеджер күмәнді қаржылық операцияларға қатысы бар болуы мүмкін

Қазақстанның Қаржы нарығын реттеу және дамыту агенттігі (ҚНРДА) «Фридом Финанс» АҚ-ға қатысты топ-менеджер тарапынан жасалған заңбұзушылықтар туралы шағымдарды тексеруде. Бұл туралы Todayinfo агенттігі ҚазТАГ-қа сілтеме жасап хабарлады. Агенттік төрт азаматтың шағымын қарастыруда ҚНРДА-ның мәліметінше, қазіргі уақытта агенттікке жеке тұлғалардан төрт шағым келіп түскен. Олар Световой В.В. есімді топ-менеджермен азаматтық-құқықтық қатынастар барысында құқықтарының бұзылғанын мәлімдеген.

«Агенттік аталған шағымдар негізінде «Фридом Финанс» АҚ-ның құжаттарын тексеру жұмыстарын бастады. Тексеру барысында компанияның әрекеттерінің Қазақстан Республикасының бағалы қағаздар нарығы заңнамасына сәйкестігі анықталатын болады. Егер заң бұзушылықтар расталса, тиісті шаралар қабылданады», – деп хабарлады ҚНРДА.

Ішкі тергеу қорытындысы Белгілі болғандай, 2024 жылдың тамызында «Фридом Финанс» АҚ-да Световой В.В. қатысты ішкі қызметтік тексеру басталған. Оның нәтижесінде топ-менеджер лауазымдық өкілеттігін асыра пайдаланып, клиенттердің сенімін теріс мақсатта қолданғаны анықталған. Тергеу барысында анықталған негізгі заңбұзушылықтар: Клиенттермен жеке қаржылық қатынасқа түсуі; Инвестициялау мақсатында қаражатты компанияның ресми шотына емес, өзінің жеке шотына аударуды ұсынуы; Түскен қаражатты инвестицияға емес, өзінің жеке қарыздарын төлеуге пайдалануы. Компанияның мәліметінше, бұл әрекеттер басшылықтың қатысуынсыз, Световойдың жеке шешімімен жүзеге асқан. Тексеру қорытындысы бойынша ол 2024 жылдың тамызында жұмыстан босатылған. Құқық қорғау органдары іске кірісті Компания Световойдың қызметіне байланысты тергеу материалдарын құқық қорғау органдарына тапсырған. Енді оның әрекеттеріне құқықтық баға беріліп, қылмыстық іс қозғау мүмкіндігі қарастырылуда. Freedom Holding Corp. туралы ақпарат «Фридом Финанс» АҚ – Freedom Holding Corp. құрамына кіретін компания. Холдингтің негізгі акционері – ресейлік кәсіпкер Тимур Турлов.