Балаларды желіге тәуелді қылған YouTube пен Meta сотта жеңілді: енді миллиардтаған айыппұл төлеуі мүмкін

Meta және YouTube компаниялары балалар мен жасөспірімдердің әлеуметтік желіге тәуелділігін арттыратын алгоритмдері мен басқа да тетіктері үшін сотта айыпты деп танылды, деп хабарлайды Todayinfo ақпарат агенттігі. Алқабилер соты бұл компаниялар «қасақана әрекет еткен немесе өрескел заң бұзушылыққа жол берген» деген қорытындыға келді. Осы шешімнің нәтижесінде сот талапкерге 3 миллион доллар көлемінде өтемақы төлеуді міндеттеді. Бұл іс – Американың сот жүйесіндегі стандартты тәжірибе бойынша мыңдаған ұқсас шағымның арасынан прецедент (үлгі болатын шешім) қалыптастыру үшін кездейсоқ таңдалған. Бұл шешім енді IT-гиганттарға қарсы жаппай сот істерінің басталуына жол ашуы мүмкін. Ендігі кез келген шағым компанияларға миллиондаған доллар шығын әкелуі ықтимал. Сонымен қатар, реттеуші органдар осы сот шешіміне сүйеніп, компанияларға қомақты айыппұл салуы әбден мүмкін. Фото: Әлеуметтік желіден