Жапонияда қарлы бораннан бір адам көз жұмды

Фото: freepik Жапонияның солтүстігінде қарлы боран халықты әуреге салды, деп хабарлайды Тodayinfo ақпараттық порталы. Кей жерлерде жауған қардың қалыңдығы 4 метрге жеткен. Соның салдарынан бір адам қаза тауып, төрт тұрғын жарақат алды. Ондаған көлік қар құрсауында қалған. Ағаштар құлап, үйлерге зақым келген. Ауа райы қолайсыздығына байланысты аймақта әуе рейстері тоқтатылды. Жолдар жабылды. Жергілікті метеорологтардың айтуынша, қарлы боран мен аяз әлі бірнеше күн жалғасады. Осыған байланысты жергілікті билік тұрғындарға үйден шықпауға кеңес берді.