«Жетім қыз»: Алматы облысында бірнеше адам 7-сынып оқушысын зорлаған (ВИДЕО)

Фото: pexel Жамбыл ауданына қарасты Қарғалы ауылында жергілікті мектеп оқушыларының қатысуымен болған оқиғаға байланысты тергеу жүргізіліп жатыр, деп хабарлайды Todayinfo.kz ақпарат агенттігі. Жамбыл аудандық білім бөлімінің мәліметінше, мектеп директоры 13 қазан күні құқық қорғау органдарына 2025 жылғы 21 қыркүйекте болған оқиға туралы хабарлаған. Оқиға жеке үйде, мектеп аумағынан тыс жерде және сабақ уақыты аяқталған соң болған. Құқық қорғау органдары Қылмыстық кодексінің 124-бабының 1-бөлігі (Кәмелетке толмағанға қатысты азғындық әрекеттер) бойынша іс қозғады. Қазір оқиғаның барлық мән-жайын анықтауға бағытталған қажетті тергеу әрекеттері жүргізіліп жатыр. Зардап шеккен жасөспірімге облыстық психологиялық көмек көрсету орталығының мамандары қолдау көрсетіп жатыр.