Қазақстанның ұлттық экономика министрі Серік Жұманғарин 2019 жылдан бері қолданыста болған ағымдағы шоттарға пайыз есептеуге тыйымды алып тастауды ұсынды, деп хабарлайды Todayinfo.kz.
Министрдің ұсынысы
Bloomberg Terminal-ға сілтеме жасаған «Ручная экономика» телеграм-арнасының хабарлауынша, қазақстандық банктерде қазіргі таңда:
-
заңды тұлғалардың ағымдағы шоттарында – 6,11 трлн теңге,
-
жеке тұлғалардың шоттарында – 3,49 трлн теңге сақтаулы тұр.
Жұманғариннің айтуынша, бұл қаражат халық пен бизнестің пайдасына жұмыс істеуі үшін ағымдағы шоттарға пайыз есептеуге рұқсат беру қажет.
Сонымен қатар, министр қарыз алушының айлық табысына шаққандағы қарыз коэффициентін (DTI) 50%-дан 30%-ға дейін төмендетуді ұсынды. Бұл қадам азаматтардың несие бойынша ай сайынғы төлемдерін шектеуге мүмкіндік береді.
Контекст
Бұған дейін экономист Ғалым Хусаинов қазақстандықтар депозитке емес, ағымдағы шоттарға ақша сақтай отырып, табыстан қағылып отырғанын атап өткен болатын.
