Сәкен Майғазиев «1001» бағдарламасында гастрольдік жоспарлары мен Мадина Сәдуақасовамен арақатынас жайлы қауесеттерге қатысты ойын ашық айтты, деп хабарлайды Тodayinfo ақпараттық порталы.
Гастрольдік сапар мен шығармашылық жоспарлар
Қазақстан ұлттық телеарнасындағы «1001» бағдарламасының қонағы болған Сәкен Майғазиев гастрольдік сапардағы жоспарлары туралы толық айтып өтті. Әнші бұл сапарында тыңдармандарына бірнеше тосынсый дайындап жатқанын, сондай-ақ әріптестерімен бірге дуэт орындайтынын жеткізді. Әсіресе, Ақтау мен Ақтөбе қалаларында өтетін концерттерде Мадина Сәдуақасова да сахнаға шығып, ән шырқайтынын хабарлады.
Әлеуметтік желідегі қауесеттер мен әншінің пікірі
Бағдарлама жүргізушісі Сәкен Майғазиевтен әлеуметтік желіде Мадина Сәдуақасова екеуі туралы айтылып жүрген алып-қашпа әңгімелерге қатысты пікір білдіруін сұрады.
Сәкен Майғазиевтің айтуынша, бұл секілді қауесеттерге олар әбден үйренген. Алайда кейбір адамдардың бұл тақырыпқа қызығушылығы шектен тыс болғаны сонша, белгісіз біреулер әншінің жұбайына да қоңырау шалып, осы өсекке қатысты пікір білдіруге мәжбүр еткен.
«Бізде бұл әңгімелерге иммунитет бар»
Сәкен Майғазиев бұл жағдайға қатысты былай дейді:
«Мадина екеумізде бұндай әңгімелерге иммунитет қалыптасқан. Әрине, «қырықтың қырқасына шығып, елуді еңсергенде оғаш қылық шығарды ма?» деген ой болуы мүмкін. Бірақ біз ешқашан әдеп бұзып, оғаш әрекет жасаған емеспіз.
Мен «мырза» ретінде әйел адамды көліктен шыққанда, баспалдақтан түскенде қолдау көрсетуге әдеттенгенмін. Бұл тек әдептіліктің белгісі ғана. Осы көрініс көзге түсіп, өсекке айналған болуы мүмкін. Өкінішке орай, біздің оғаш қылық көрсетпегеніміз туралы айтатындар аз. Керісінше, өсекке ерушілер көп.
Әйеліме біреу қоңырау шалып, «Сәкен мен Мадина бірге жүрсе, оны білдірмей-ақ қойсын» деген кеңес айтқан. Бірақ жұбайым Динара Мадинаны да, оның отбасы мен балаларының да жақсы білетінін айтып, бұл өсекті бірден жоққа шығарды. Әзілімен әңгіменің нүктесін қойып, «жүрсе, білдірмейтін еді» деп жауап берді», – деді әнші.
Жеке өмірге қол сұғу дұрыс емес
Сәкен Майғазиев бұл секілді қауесеттердің көпшілігі жеке өмірге орынсыз араласу екенін айтып, жұртшылықты мұндай әңгімелерге назар аудармауға шақырды.
