Белгілі журналист Серік Аббас-шах Qazaq Stroy компаниясын сынға алды, деп хабарлайды Todayinfo ақпараттық агенттігі.
Үйлерінің сапасыз, мамандарының жауапсыздығымен аты шыққан компанияға қатысты шағым тым көп. Ал журналист компания кеңсесінде ұлттық болмыстан гөрі кеңестік дәуірдің әсері басым екенін айтты.
«Мына фото Qazaq Stroy құрылыс компаниясының (Алматыдағы) бас кеңселерінің бірінде (Жұмалиев көшесі – 157) түсірілген.
Бұлар өткенге қарап ұлып отырғысы келсе, атауын Qazaq Stroy емес, Ресей Stroy немесе Коммунистік Stroy деп атағаны дұрыс-ау шамасы..», — деді Серік Аббас-шах.
Еске салайық, жақында Мемлекет басшысы Qazaq Stroy компаниялар тобының құрылтайшысы Нұрлан Артықбаевты қабылдады. Кездесу барысында құрылыс саласын дамытудың басты бағыттары, сондай-ақ жеке бизнестің инфрақұрылымдық жобаларды жүзеге асыруға қатысу мәселесі талқыланды. Алайда қоғамда аталған компанияның үйлері сапасыз, уәделерін орындамайды деген сын-пікірлер көбейді. Тұрғындардың сөзінше, менеджерлер шағымға мән бермейді. Сапасыз үйді сатарда уәдені үйіп-төгеді.
QAZAQ STROY
