Шерзат Полатты өлтірді деген күдіктілердің түрмеде туған тойлауына байланысты полиция түсініктеме берді, деп хабарлайды Todayinfo.
«Уақытша ұстау изоляторынан бір тұтқынның туған күнін атап өтуі бейнеленген видеоның таралу фактісі бойынша жан-жақты тексеру жүргізілуде. Барлық кінәлі тұлғалар, соның ішінде басшылық та, қатаң жауапкершілікке тартылады. Тергеу барысы ерекше бақылауға алынды», — деді Алматы облысы ПД.
Құқық бұзушылыққа ықпал еткен себептер мен жағдайларды жою бойынша шаралар қабылданбақ.
Еске салсақ, Талғарда 16 жастағы жасөспірімді ұрғылап өлтірді деген күдікке ілініп, қамауда отырғандар торт жеп, туған күн тойлаған. Оның видеосы желіде жарияланып, көпшіліктің ызасын туғызды.
