Бас прокурордың орынбасары Ғалымжан Қойгелдиев Талғарда мерт болған Шерзат Полаттың өліміне қатысты қылмыстық істің кейбір мәліметтерін жария етті. Қойгелдиев күдіктілер мен жәбірленушілердің қырық шақты рет беттескенін айтты, деп хабарлайды Todayinfo.
Редакция тілшісі іс сотқа қашан түсуі мүмкін екенін және іспен танысу барысы аяқталуға жақын ба, жоқ па екенін сұраған еді.
«Өзіңіз айтып тұрғандай, тергеу аяқталып, тараптар іс материалдарымен танысып жатыр. Заң бойынша танысу уақыты қандай да бір мерзіммен шектелмейді. Бірақ, бір айтайын дегенім, қылмыстық іс бойынша 39 сараптама тағайындалған, зардап шеккендер мен ұсталғандардан 117 рет жауап алынған, 90 дикс қаралған, 36 рет беттесу өткен. Бұл – қыруар жұмыс және осы материалдардың бәрін талдауға уақыт керек», — деді Ғалымжан Қойгелдиев.
Ақпарат көзі: Azattyq Rýhy
