Атақты «Музарттың» әншісі Сәкен Майғазиев ұлының үйлену тойын ақылы өткізіп, пайдаға кенеліп жатыр, деп хабарлайды Todayinfo.
Ол телеграмда «онлайн қонақтарды» тіркеп, тойды онлайн көрем деген адамдардан 1380 теңгеден жинай бастады.
«Әділет пен Әдияның тойына онлайн қонақ болу үшін тіркелу басталды» деп жазды ол өзінің желідегі парақшасында.
Оны көрген көпшілік әншінің қылығын жақтырмай қалды. Кейбір оқырман ауыр сөздерді аяусыз жазып жатыр.
«Масқара, Сәкен Майғазиев бұлай жасайды деп ойламаппын», «сендер арқылы ақша таппақшы, шығынды жабу керек», «сорлылар-ау», «сөз жоқ», «ойбай, тоймай жатыр ғой, жеке бас қуаныштарын да жарнамалап сату керек», — деген пікірлер жазып жатыр желідегілер.
Айта кетсек, жалғыз ұлын үйлендірген Сәкен Майғазиевтің келінінің ұзату тойы көпке дейін жұрттың талқысында болған. Әншінің құдалары қызын кілемге отырғызып, шығарып салған. Ел мұндай салттың бұрын-соңды көрмегенін айтып, таңырқасты.
Қалыңмалына 5 млн теңге беріп, келінін ұзатып әкелген соң, шаңырақта екі жас мұсылманша неке қиды. Әдия жары Әділеттен мәхрге алтын сақина сұрады.
Жұлдызды отбасы енді ұлының үлкен тойын береді. Оған 2000 адам шақырылмақ деп мақтана жар салынды.
