Шымкент қаласында орналасқан тойхана маңынан қою түтін шықты. Бұл туралы оқиға куәсі болған қазақстандық әнші Бүркіт (Айбек Жансейітов) Instagram парақшасында мәлімдеді, деп хабарлайды Todayinfo.
«Шымкентке ұшып келіп, тойханаға келсек, тойханамыздан түтін шығып жатыр. Адамдар аман. Аллаһым амандығын берсін! Тұрақта машина жанып кетті дей ме, сондай бір жағдай. Елдің бәрі далада», – деп жазды әнші.
Ол жариялаған видеодан тойхана аумағын қою қара түтін басып қалғаны анық көрінеді. Оқиғаға куә болған желі қолданушылары тойға келген қонақтардың амандығына алаңдаушылық білдірді.
Бүркіттің жариялаған видеосына пікір қалдырған оқырмандар:
«Алла сақтасын»
«Той иесіне сабыр, әр нәрсенің қайыры бар»
«Қанша күн дайындалған той босқа кетті» – деп жазды.
Кейбір қолданушылар тойдағы жағдайдан бөлек, әншінің қаламақысына қатысты әзілдеп пікір қалдырды.
«Гонорар не болды екен, енді?» – деген сұраққа Бүркіт қысқа ғана: «Ынсап сайын береке», – деп жауап берді.
Оқиғаға байланысты құзырлы мемлекеттік органдар әзірге ресми ақпарат жариялаған жоқ. Өрт немесе түтін шығуының нақты себебі де белгісіз күйде қалып отыр.
Посмотреть эту публикацию в Instagram
