Фото: istockphoto.com
2025 жылдың алғашқы алты айында Қазақстанда жол-көлік апаттарынан 5,5 мыңнан астам бала зардап шегіп, 135 бала қаза тапты. Бұл туралы Бас прокуратураның ресми өкілі Саян Әбденов мәлімдеді, деп хабарлайды Todayinfo.kz.
Ресми дерекке сүйенсек, биылғы жарты жылда елімізде 8,5 млн әкімшілік құқық бұзу фактісі тіркелген. Оның ішінде 7 миллионы көлік жүргізушілеріне қатысты болған.
— «Алты айдың қорытындысы бойынша жол-көлік оқиғаларынан 5,5 мыңнан астам бала зардап шекті, 135 бала қаза тапты», – деді Әбденов.
Сондай-ақ, статистикаға сәйкес, осы кезеңде 11 мыңнан астам жүргізуші көлікті мас күйінде басқарған. Олардың 158-і жол апатына себеп болып, салдарынан 282 адам жараланып, 17 адам қаза тапқан.
