Сорбұлаққа құлаған тікұшақ туралы тың деректер пайда болды, деп хабарлайды Todayinfo.
Қорғаныс министрлігінің мәлімдеуінше, су астындағы жұмыстар барвсында шамамен 14 метр тереңдікте әуе кемесінің ішінара сынықтары мен бір адамның мәйітін анықтады. Қазіргі уақытта сәйкестендіру процедурасы жүргізілуде.
«Іздеу жұмыстары су астындағы көрінудің нашарлығы мен лайлы тұнбалардың болуына байланысты күрделене түсуде, бұл сүңгуірлер мен инженерлік бөлімшелердің жұмысын айтарлықтай баяулатады. Қиын жағдайға қарамастан, жұмылдырылған барлық күштер операцияны мүмкіндігінше тез аяқтау үшін үйлесімді әрі мақсатты түрде әрекет етуде», — делінген хабарламада.
Еске салайық, Әуе қорғанысы күштерінің EC-145 әскери тікұшағы 25 шілдеде Алматы облысы үстінде жоспарлы ұшу кезінде радардан жоғалып кеткен. Бортта үш экипаж мүшесі болған. Біраз уақыттан кейін оның сынықтары Сорбұлақтан табылды.
Қорғаныс министрлігінің мәліметінше, іздестіру жұмыстары тәулік бойы жүргізілуде. Іздеуге бес әскери бөлім тартылған. Операцияға 400-ден астам адам, кинологиялық есептер, 70-тен астам жерүсті техникасы, 21 су көлігі, 10 дрон, эхолоттар және суасты сканерлеу құралдары жұмылдырылған.
Фото: скрин/ Қорғаныс министрлігі
