Фото: Степногорск әкімдігі
Степногорск қаласында аға буын өкілдеріне арналған жаңа әлеуметтік нысан – Белсенді ұзақ өмір сүру орталығының ашылуы өтті, деп хабарлайды Todayinfo.kz ақпарат агенттігі.
Іс-шараға қала әкімі Гайдар Қасенов қатысып, құттықтау сөз сөйледі. Ол орталықтың ашылуы – егде жастағы азаматтардың өмір сапасын арттыруға, олардың қоғам өміріне белсене араласуына мүмкіндік беретін маңызды қадам екенін атап өтті.
Шара барысында шағын концерттік бағдарлама ұйымдастырылып, қатысушыларға көтеріңкі көңіл-күй сыйланды. Сондай-ақ орталықтың жұмысымен танысу мақсатында экскурсия өткізілді. Мұнда спорт залы, шығармашылық, музыка және т.с.с. кабинеттер жұмыс істейді.
Жаңа орталық зейнет жастағы азаматтардың бос уақытын тиімді өткізуге, қарым-қатынас орнатуға және салауатты өмір салтын ұстануға жағдай жасайды.
