Белгілі әнші әрі актриса Жанар Айжанованың қызы, актриса Айжұлдыз Адайбекова тұрмысқа шықты. Ұзату тойы 2025 жылдың көктемінде өтіп, көпшіліктің назарын аударды. Ерекшелігімен есте қалған бұл той дәстүрлі ұзатулардан өзгеше болды, деп хабарлайды Todayinfo.kz.
Айжұлдыздың ұзату көйлегі ақ емес, көк пен күлгін түстерден тігілген. Көк түсті матаның бетіне жұлдыздар бейнеленіп, қалыңдықтың шығармашылық болмысын көрсетті. Ұзату сәтінде жастар әдеттегідей емес, қолтықтасып залдан бірге шықты, бұл да ерекше символикалық мәнге ие болды.
Қызының ұзатылуында Жанар Айжанова жұртты елжіретіп, шын жүректен шыққан аналық тілегін білдірді.
«Осы қыздың көзінен бір тамшы жас тамса, менің берекем кетеді… Сыртың бүтін, іші түтін. Құдай басқа бермесін… Жалғыздық жақсы емес. Осы күнді мен ерекше күттім… Енді демалып жатқан сияқтымын. Сәкен сияқты азаматқа тап болып, екеуінің жарқырап жүргенін көріп, жүрегім орнына түсті», – деді ол.
