Мадагаскарда екі аптадан астам уақыт бойы толастамай жатқан жаппай наразылықтар ел президентінің шұғыл түрде шетелге кетуіне себеп болды деп хабарлайды Todayinfo.kz.
Наразылық акциялары қыркүйек айының соңында су мен электр энергиясының тапшылығына байланысты басталған. Алайда жағдай тез саяси сипат алып, демонстранттар президент Андри Радзуэлинаның отставкасын, митинг қатысушыларына қарсы күш қолданғаны үшін кешірім сұрауын, сондай-ақ сенатты және сайлау комиссиясын таратуын талап етуде.
Жергілікті бұқаралық ақпарат құралдары мен оппозиция өкілдерінің мәліметінше, әскери қызметкерлердің бір бөлігі халық жағына өткеннен кейін Андри Радзуэлина елден қашып шыққан. Ол Сент-Мари аралынан ұшаққа мініп, алдымен Францияның Реюньон аралығына қонған. Кейіннен оның Маврикийге немесе Біріккен Араб Әмірліктеріне бет алғаны болжануда.
Президент кейінірек мәлімдеме жасап, қауіпсіздігі үшін «елден уақытша кетуге мәжбүр болғанын» айтты. Ол өзінің нақты қай жерде екенін жарияламады.
Сонымен қатар Радзуэлина елде «билікті заңсыз және күшпен басып алуға әрекет жасалды» деп мәлімдеп, «конституциялық тәртіпті қорғау үшін елдің барлық маңызды күштерін бірігуге» шақырды.
